உன்னை நினைத்ததும்
சில்லென்று குளிர் காற்று
முகத்தில் அடிக்கிறது
மூச்சிலிருந்து குளிர்வு
இதயம் வரை பாய்கிறது
பனிப்பாலம் உடைந்த மாதிரி
கொஞ்சம் வெடவெடத்து
குறுக்குறுப்பாய்
இன்னும்எழுத்திற்கு மசியா
உணர்வுகளும் இதற்காகவேணும்
எப்போதும் நினைக்கிறேன்
உன்னை.

சாகும் என் காதல் ....

உன் கடைசி வார்த்தைகளில் கழுத்தறுப்பட்ட என் கனவுகள்....

பீய்ச்சும் குருதியில் முங்கி.. மெல்ல சாகும் என் காதல்....

காத்திருப்பை மட்டுமே பரிசளித்த காலத்தை வைதபடிக்கு ... வீசுகிறேன் வெறுங்கையை ......

உதிர்ந்து சிதறும் கடைசி ஒற்றை ரோஜா ...

கணவனின் கை கோர்த்தபடிக்குநீ சிந்திய ஏளன புன்னகையின் விடத்தில் இன்னும் இன்னும் நீலம் பாரிக்கும் பிரபஞ்சம்....

இதயம் கிள்ளி கைத்தடியில் சொருகியபடிக்கு நீளும் என் பயணம்.....

வித்யாவின் கவிதைகள்

தாயில்லா பிள்ளை
தாலாட்டில் தூங்கினான்
வகுப்பறையில்


பெற்ற தாயே பெருந்தெய்வம்
தலைவன் உருக்கம்
வீடு திரும்பி தாயை கொன்றான்
நாத்திகவாதி தொண்டன்

எனக்கு 20
உனக்கு 18
நமக்குள் வந்த அதற்கு
என்ன வயது!


இன்னும் வரும்........